Gitubag sa Coast Guard Station (CGS) Zamboanga del Norte, kauban ang mga Coast Guard Sub-Stations, ang hulga sa Super Typhoon Bavi pinaagi sa information dissemination campaign ug pagpanghatag og safety leaflets sa mga residente sa mga komunidad sa kabaybayonan.
Gipahimangnoan sa Coast Guard ang mga residente sa kanunay nga pagsubay sa opisyal nga weather advisories, pag-andam og emergency go-bags, pagsiguro sa ilang mga panimalay ug mga sakayan, ug pagtuman sa evacuation directives nga ipagawas sa lokal nga kagamhanan kon gikinahanglan.
Matud sa Coast Guard, tumong sa maong kampanya ang pagpalig-on sa kahandaan sa mga komunidad batok sa posibleng epekto sa Super Typhoon Bavi, pagpanalipod sa kinabuhi ug kabtangan, ug pagsuporta sa mga lakang sa disaster risk reduction ug response.(IKEN B. GULLEM)
Source: Coast Guard Station Zamboanga del Norte