Nagkahiusa ang Provincial Government sa Zamboanga del Norte ug ang Highway Patrol Group Region IX sa pagpalig-on sa mga lakang alang sa kaluwasan sa mga motorista ug pedestrian atol sa courtesy visit ni Regional Chief PCOL Christian V. Dela Cruz kang Governor Darel Dexter T. Uy sa Provincial Capitol.
Kauban ni PCOL Dela Cruz ang mga miyembro sa Provincial Highway Patrol Team–Zamboanga del Norte nga gipangulohan ni PMAJ Mervin S. Claret. Nahisgutan sa ilang panagkita ang pagpalapad sa road safety awareness ug pagdasig sa mga motorista sa pagsunod sa mga balaod sa trapiko.
Gipasiugda usab ang panginahanglan sa mas lig-on nga koordinasyon tali sa mga ahensya sa gobyerno ug law enforcement aron mapalambo ang mga lakang nga makapanalipod sa mga naggamit sa dalan ug makapamenos sa mga insidente nga may kalabotan sa trapiko.
Pinaagi sa hiniusang paningkamot sa Provincial Government ug Highway Patrol Group, gipalig-on ang mga programa alang sa mas responsableng pagdrayb, pagsunod sa traffic laws, ug mas luwas nga pagbiyahe sa mga dalan sa Zamboanga del Norte.(JENIFFER JR. DELICA)
Source: Zamboanga del Norte Provincial News Network