Nakigkita si Gutalac Municipal Mayor Eddie Justin T. Quimbo sa mga opisyal sa Barangay Tipan nga gipangulohan ni Punong Barangay Merlyn Elemia atol sa ilang courtesy visit niadtong Agosto 11, 2026 aron mahisgutan ang mga plano, programa ug prayoridad alang sa kaayohan ug kalamboan sa barangay.
Kauban ni Elemia si Barangay Kagawad Ruben Sulambao ug mga residente sa Tipan nga mipadayag sa ilang mga kabalaka ug panginahanglan ngadto sa mayor atol sa maong panagkita.
Gipaminaw ug gitubag ni Mayor Quimbo ang mga concern nga gipadayag sa mga representante ug residente sa barangay, lakip ang mga panginahanglan nga may kalabotan sa ilang komunidad.
Pinaagi sa maong panagkita, gipalig-on ang koordinasyon tali sa Lokal nga Pangagamhanan sa Gutalac ug Barangay Tipan alang sa pagpatuman sa mga programa ug serbisyo nga motubag sa panginahanglan sa mga residente.(JENIFFER JR. DELICA)
Source: LGU Gutalac- Public Information