Gipasiugda sa Sindangan Municipal Police Station, ang usa ka Health ug Drug Awareness Symposium didto sa covered court sa Barangay Lawis, Hulyo 9, 2025.
Tumong sa maong aktibidad ang pagpahimangno batok sa illegal nga droga, panigarilyo, vaping, ug ubang matang sa kriminalidad isip kabahin sa BIDA Program ug mga inisyatiba alang sa mas luwas ug drug-free nga komunidad.
Si Police Staff Seargent (PSSg) Jose Rene Bastasa Jr. ang nagdumala sa lecture kabahin sa Anti-Illegal Drugs Campaign, Anti-Smoking ug Anti-Vaping Awareness Campaign, ug Anti-Criminality Campaign.
Gitambongan kini sa Barangay Council ug SK officials sa Barangay Lawis, uban sa pagpanghatag og flyers aron mas mapalapad ang kahibalo sa katawhan.
Ang maong symposium nagpakita sa paningkamot sa kapulisan nga mapalig-on ang ilang inisyatiba batok sa kriminalidad ug paggamit og illegal nga droga sa Zamboanga del Norte.(Jumalisa Papa)
Source: Sindangan Municipal Police Station