Gitapos sa lokal nga pangagamhanan sa Gutalac, Zamboanga del Norte sa panguna ni Mayor Eddie Justin Quimbo Ang tuig 2025 pinaagi sa pagpahayag ug dakong pasalamat ug pagpaubos human sa usa ka tuig nga napuno sa sakripisyo, hagit, ug mga kalampusan nga gikaubanang giatubang sa katawhan.
Gipasalamatan sa lider ang tanang Local Government Unit employees, barangay officials, development partners, ug labi na ang mga Gutalacnon sa ilang padayon nga pagsalig, suporta, ug panaghiusa alang sa kaayohan sa komunidad. Matod pa, ang mga kalampusan sa 2025, gikan sa gagmayng kadaugan hangtod sa dagkong milestone, bunga sa hiniusang tabang alang sa usa ka progressive, inclusive, ug maloloy-on nga Gutalac.
Gihisgutan usab sa lider ang kahinungdanon sa pagpangayo ug paghatag og pasaylo sa milabay nga tuig, ilabi na sa mga kakulian ug mga gilauman nga wala matuman.(IKEN B. GULLEM)
Source: Mayor Eddie Justin T. Quimbo