Naluwas ang usa ka green sea turtle niadtong nilabay nga adlaw human kini natanggong sa fish corral o bunsod sa baybayon sa Picanan, Kumalarang sa Zamboanga del Sur.
Dali nga mitubag ang wildlife rescue team sa Community Environment and Natural Resources Office sa Guipos aron masiguro ang kahimtang sa pawikan ug himoan og inisyal nga health assessment.
Nakitaan og gamay nga samad ang pawikan tungod sa pagkasangkot sa lambat ug dayon gidala sa DENR Regional Wildlife Rescue Center sa Baclay, Tukuran alang sa dugang pag-atiman ug pagmonitor.
Sumala sa CENRO Guipos, ibalik ang pawikan sa iyang natural nga puy-anan kung hingpit na kini nga maulian.(JENIFFER JR. DELICA)
Source: DENR Zamboanga Peninsula