Garbo sa Villaramos Elementary School ang Grade 4 pupil nga kwalipikado na para sa PALARO sumala sa nakuhang record sa iyang dula miaging adlaw.
Giila ang qualifier nga si Marrian Sabanal Romero residente sa Dapatan, Don Jose Aguirre, Manukan ug kasamtangang nagtungha sa Villaramos Elementary School diin kauban niini sa iyang coach nga si Mrs. Lucita Caylaluad ingon man ang iyang Trainor si Liminirie Caylaluad.
Abril 26, aduna pay nahibilin nga dula alang nalang sa standing apan apil na gayud siya nga madala sa PALARONG PAMBANSA.
Si Mrs. Caylaluad ang Coach nagpasalamat sa mga suporta nga gihatag sa eskwelahan ug sa Zamboanga del Norte Division, ug sa stakeholder nga wala nakawang ang ilang gipangandoy nga kadaugan. (Elvie S. Indag-DXKD OJT)