“Mangandam kita dili lang sa pagsaulog sa pagkatawo sa atong Manluluwas, kundili sa paghatag usab sa atong katawhan sa Zamboanga del Norte nga luwas ug magmauswagong bag-ong tuig 2023.”
Kini karon ang gipagawas nga mensahe ni Governor Rosalina “Nanay Nene” Jalosjos subay sa gipangandoy sa inahan alang sa ZaNortehanons nga makaangkon sa usa ka himsog nga pagsaulog sa pasko,magmalampuson ug magmauswagon nga bag-ong tuig nga luwas gikan sa mga kadaot may kalabutan na sa mga pabuto kon fireworks-related injuries ug ang hulga usab sa COVID-19 ang katawhan.
Niini, si Nanay Nene walay hunong nga magpahinumdom nga pinaagi sa IWAS PAPUTOK Campaign ilabina ania pa kita sa COVID-19 pandemic, likayan gayud ang disgrasya.
Matud pa sa gobernador nga ipabilin nga luwas ang tanan ZaNortehanons gikan sa bisan unsang kadaot samtang sugaton ang tuig 2023.
Gikahinumduman nga ang Provincial Disaster Risk Reduction and Management Office (PDRRMO) pinaagi ni Engr. Dennis C. Tenorio ug ang Provincial Health Office (PHO) lakip ang Disaster Risk Reduction Management in Health (DRRM-H) Emergency Operation Center (EOC), mihimo sa tanang kinahanglanon sa pagpangandam ug adbokasiya sa tanang tambalanan ug Rural Health Units aron mapugngan, matambalan kon adunay biktima sa pabuto.
(Source: Provincial Information Center Zanorte Facebook page)