Nagpatuman ang Godod Municipal Fire Station, ubos sa pagpangulo ni SFO1 Allain L. Dolar, Acting Municipal Fire Marshal, og Fire Safety and Emergency Response Lecture and Drills sa Barangay Sioran, Godod, Zamboanga del Norte, isip kabahin sa Jamboree sa mga Boys Scout ug Girls Scout gikan sa Sianan National High School, Sianan Elementary School, ug Galos Elementary School.
Gitudlo ug gipraktis sa mga partisipante ang Fire Drill, Earthquake Drill, Basic Life Support o BLS, First Aid, ug Exit Drill In The Home o E.D.I.T.H. Gipasiugda usab ang hustong evacuation procedures, pagpabiling kalmado panahon sa emerhensya, ug tukmang paagi sa paghatag og first aid samtang naghulat sa trained responders.
Namugna usab sa Godod Municipal Fire Station ang opisyal nga hotline number aron mas dali makakontak ang mga residente ug partisipante sa Bureau of Fire Protection o BFP panahon sa sunog ug uban pang emergency. Padayon nga gipasiugda sa maong estasyon ang fire prevention, disaster preparedness, ug emergency response awareness sa mga eskwelahan ug komunidad.(JENIFFER JR. DELICA)
Source: BFP R9 Godod Municipal Police Station