Giila sa Department of the Interior and Local Government (DILG) ang dakbayan sa Dipolog isip “Top Performing Component City” dinhi sa Rehiyon 9.
Kini human gipasidunggan ang siyudad sa daghanang mga awards atol sa gipahigayon nga “Gains and Devolution Awards Night for Top Performing LGUs” didto sa Zamboanga City niadtong Oktubre 26 ning tuiga.
Nasayran nga ang mga pasidungog nga nadawat sa dakbayan mao ang mosunod;
- 1st place 2022 Regional Disaster Preparedness Index (RDP) Component City Category,
- 2022 Local Council for the Protection of Children (LCPC) Functionality Assessment
- 2022 Child-Friendly Local Governance Audit
- 2022 Local Committees on Anti- Trafficking and Violence Against Women and Their Children (LCAT-VAWC) Functionality Assessment
- 2022 Sangguniang Kabataan Awards for Leadership and Administration (SKALA Award)
- 2022 Functionality Assessment of Persons with Disability Affairs Offices and Persons with Disabilities Focal Person (PDAO).
Sa nasangpit nga awards nights, gi-rekognisar sa DILG-Regional Office IX ang dakbayan sa Dipolog tungod sa pagsalmot niini isip exhibitor sa Local Government Code Month Celebration nga gisaulog niadtong Oktubre 25 hangtod 27 nig tuiga.
Si DILG Regional Director Paisal O. Abutazil mao ang mitunol sa nasangpit nga pasidungog ngadto nila ni Bise-mayor Senen O. Angeles nga nag-representar ni Mayor Darel Dexter T. Uy, CLGOO Sherrie Charlotta Machutes ug ubang mga opisyales ug personahe sa kagamhanang lokal sa Dipolog.
(Source: Dipolog City Government Facebook page)