Mainiton nga gidawat sa mga Dipolognon si Ferdinand Dela Merced, ang gibansagan nga “The Philippine Looper,” sa iyang pag-abot karong adlawa, Oktubre 30, 2025, sa Dakbayan sa Dipolog. Ang iyang paglakaw maoy kabahin sa dakong misyon nga malibot ang tibuok 82 ka probinsya sa Pilipinas.
Misugod si Dela Merced sa iyang biyahe niadtong Enero 2, 2025 sa Luneta Park sa Manila aron ipakita ang kalig-on, disiplina, ug gugma sa yutang natawhan. Nagdala siya sa mensahe nga nag-awhag sa mga Pilipino nga ilakaw ug ipanghambog ang katahom sa nasud, bisan pa sa kalisod ug kapoy sa dalan.
Pagkahuman sa Dipolog, mopadayon pa si Dela Merced sa ubang probinsya sa Mindanao aron makumpleto ang iyang 82-province walk, nga nagtimaan sa iyang determinasyon ug inspirasyon nga magpabilin ang tinguha kung aduna’y kaisog ug kadasig sa kinabuhi.(JENIFFER JR. DELICA)