Gipahigayon sa Lokal nga Panggamhanan sa Gutalac ang Giant Bamboo Planting Activity ubay sa Sibalic Riverside isip kabahin sa pagpalig-on sa pagpanalipod sa kinaiyahan, pagpakunhod sa risgo sa kalamidad, ug pagpahiangay sa epekto sa climate change.
Gipangunahan ang kalihokan sa Municipal Disaster Risk Reduction and Management Office ubos ni Engr. Rolando Ortiz, uban sa partisipasyon sa nagkalain-laing stakeholders. Gitambongan usab kini ubos sa liderato ni Mayor Eddie Justin Quimbo aron mapalig-on ang mga programa alang sa mas luwas ug mas lig-on nga komunidad.
Mikabat sa 50 ka Giant Bamboo seedlings ang gitanom nga gisponsor ni Third District Representative Ian Amatong. Gilauman nga makatabang kini sa pagpanalipod sa daplin sa suba, pagpakunhod sa soil erosion, ug pagpalig-on sa kalikupan.
Pinaagi sa maong inisyatibo, gipadayon sa Gutalac ang mga lakang nga naghiusa sa pag-atiman sa kinaiyahan ug pagpangandam batok sa mga kalamidad alang sa umaabot nga henerasyon.(JENIFFER JR. DELICA)
Source: LGU Gutalac- Public Information