Gipasigarbo ni Ms. April Laput, Manager sa Dakak Park and Beach Resort ang mahitungod sa malampusong launching sa usa ka Island Brgy sa Dapitan City mao ang Selinog Island Tour nga gikan sa Siquijor Island padulong sa Selinog kaniadtong, Marso 24 ning tuiga.
Gipahayag usab sa Manager ang mga packages tour nga matud pa usa sa mga tourista gikan sa Siquijor padulong sa Selinog Island nga anaa sa 10 tourist visitors apil na ang mga foreigners diin target kanila gikan sa Siquijor Island aron matagamtaman ang usa ka adlaw nga tour sa Selinog, diin apil usab nga misaksi ang cast sa Bubble gang sa GMA sa paglaunch sa Selinog Island Tour.
Kahibaloan nga ang roundtrip bus transfer gikan sa ilang Hotel, L/B Nanay Nene, boodle fight lunch adunay i serve nga lechon sa Selinog Island,libre nga snorkeling, diving,biking ug gikataho nga adunay e-bike nga umaabot tungod sa kagustuhan sa Kagamhanang Lokal sa Dapitan City nga mahimong “Green Island” ang Selinog Island nga maoy posibleng mahitabo sa unahan.
Gihisgutan usab ni Laput nga adunay duha ka packages nga itanyag mao ang Unlifudap ug Visitamos Rizal posibling mahitabo karong umaabot Hunyo, kining tanan gihan-ay ug nagkahiusa ang anaa sa posisyon aron mapadali, mapalambo ug mapahapsay ang nahisgutang isla. (Angelica T. Obina)
