- Advertisement -
Naligo sa kaugalingong dugo ang usa ka construction worker human gipusil sa wala matino na suspetsado.
Ang krimin nahitabo pasado alas 6:00 kagabii, Marso 25, 2024, didto sa Purok Nangka Lower, Barangay Lipata, lungsod sa Minglanilla, probinsya sa Sugbo.
Ang biktima giila sa Minglanilla Police Station na mao si Jonathan Caballero, 34 anyos ang panuigon residenti rapod sa maong lugar.
Sa inbestigasyon sa kapulisan nasayran na kalit giduol ang biktima sa wala maila na suspetsado dayon gipusil kini na maoy hinungdan sa iyang kamatayon.
Sa pagkakaron nagpadayon ang inbestigasyon sa kapulisan ug ilang gipaubos sa background check ang biktima aron pagsuta kung kinsa ang mga gikaaway niini ug unsa usab ang motibo sa maong krimin. (Renante Lada)
- Advertisement -