Padayong gitrabaho ang usa ka proyektong nagkantidad ug 1 ka milyon ka pesos nga mao ang Foot Bridge & Pathway didto sa Purok Summer Bridge Brgy. Sinonoc, dakbayan sa Dapitan.
Ang maong proyekto gikan sa kagamhanang lokal nga gipangulohan sa Mayor sa dakbayan sa Dapitan nga si City Mayor Seth Frederick “Bullet” P. Jalosjos diin ang nasangpit nga footbridge adunay 28 ka metros ang gitas-on, 1.5 meters ang gilapdon ug 0.15 meters ang gibag-on.
Si Mayor Bullet Jalosjos gipasalamatan sa Punong Barangay sa Sinonoc nga si Marivie O. Petalcorin, sa paghatag ug luwas ug hapsay nga agianan sa matag adlaw pinaagi sa tulay nga proyekto niini.
Usa kini ka matang sa proyekto nga makatabang sa pagpa-uswag sa maayong pamuyo sa mga kasikbit nga dapit ug sa mga residente sa maong barangay.
Maghatag ug kaharuhay sa mga lumolupyo ilabi na sa mga magtutungha mag uuma nga buot mutabok sa suba.
Gilauman nga ang mga residente sa maong Barangay makapahimulos gilayon sa maong proyekto, nga gilayon nga kini magamit dayun sa dali nga panahon. (Medalyn U. Borja)
(Source: City Government of Dapitan)