Gipahigayon atol sa adlaw’ng natawhan sa Provincial Director sa Zamboanga Del Norte Provincial Police Office, Pcol. Jimmy M Laguyo ang Financial Assistance for Dependents of (ZNPPO) Personel, didto sa Conference Room sa Camp Lt Deogracias G Hamac, sa Barangay Sicayab, Dipolog City, kagahapong adlawa, Setyembre 10, ning tuig 2025, sa may alas 10 ang takna sa buntag.
Sa pahayag nga giluwatan ni ZNPPO Provincial Director Pcol. Laguyo, atol sa gipahigayon nga Interview sa mga Media Personel’s nga miyembro sa ZNPPO Press Corps, iyang gibutyag nga unang higayon ang maong Programa nga Financial Assistance for Dependents of (ZNPPO) Personel, isip siya ang nanguna sa mga kapulisan ning maong Probinsiya.
Dugang pa nga pahayag ni Pcol. Laguyo, nga ang Financial Assistance nga iyang gitunol ngadto sa mga Benepisaryo niini, nalikom gikan sa gipahigayon nga Fun Run bag-ohay palang, diin kini matud pa, intended ngadto sa naasoy nga mga dependents, isip suporta kanila, sa mga challenges nga ilang nasinatian, aron matud pa mabatian, sa mga kapulisan nga iyang gipangunahan ning maong Probinsiya, ang suporta nga ilang gikinahanglan.
Nasayran nga ang matag usa ka Dependent nga nakawat sa nasangpit nga Financial Assistance, nagagikan sa Roxas Municipal Police Station, Dapitan City Police Station, Liloy Municipal Police Station, maingon man ang gikan sa Provincial Head Quarter.(Julius Esmade)