Wala na maka iskapo sa gipatuman nga joint law enforcement operation sa mga tinugyanan sa balaod ang usa ka wanted person, mga alas 10:30, Septiyembre 8, 2025, didto sa Barangay Deculom, Baliguian, Zamboanga del Norte.
Ang nadakpan nga wanted person naila nga si “Ben” 28 anyos, ulitawo, mananagat, ug residente sa Brgy. Deculom, Baliguian, Zamboanga del Norte,kinsa gidakop sa bisa sa warrant of arrest tungod sa krimen sa Acts of Lasciviousness in relation to Republic Act 7610 (Special Protection of Children Against Abuse, Exploitation and Discrimination Act), nga gi-docket ubos sa Criminal Case No. 2023-04-22 (2537).
Ang warrant giisyu ni Hon. Ela Michelle Sta. Maria Cubero, Presiding Judge sa Ninth Judicial Region, Branch 27, Siocon, Zamboanga del Norte, pinetsahan og Septiyembre 3, 2025, uban ang serbisyo sa sentensiya.
Ang malampusong operasyon pinangulohan sa Municipal Police Station (MPS) uban sa 2nd Zamboanga del Norte Provincial Mobile Force Company (ZNPMCC) sa Barangay Deculom, Baliguian, Zamboanga del Norte ug ang pagdakop gihimo pinaagi sa paggamit sa Barangay Information Network (BIN) subay sa gipakusog nga kampanya batok sa mga wanted person.
Samtang ang dinakpan anaa na karon sa kustodiya sa Baliguian MPS alang sa tukmang disposasyon.(Medalyn Borja)
Source ZNPPO