Aron ma palig-on sa espiritwal ug moral nga kabag-ohan ang mga pulis ilabina sa ilang propesyonal nga serbisyo ug relasyon sa komunidad, ang Zamboanga del Norte Police Provincial Office (ZNPPO) ubos sa dumala ni Provincial Director Police Colonel Jimmy M. Laguyo, mipasiugda ug Bless our Cops – My Brother’s & Sister’s Keeper (MBSK) Fellowship nga gipahigayon sa Ariana Hotel, Brgy. Minaog, Dipolog City, kaniadtong Oktubre 14 ning kasamtangang tuig.
kini inubanan ni Acting Deputy Chief for Administration sa PNP, Police Lieutenant General Bernard M. Banac, PLTCOL Roselily N. Baguio, Eleno A. Dondoyano, mga personahe sa Police Community Affairs and Development Unit (PCADU), mga admin staff, ug life coaches gikan sa lain-laing siyudad ug munisipyo sa probinsya.
Ang maong programa nagtumong aron mas mapalambo pa ang espiritwal ug moral sa mga pulis nga nagpamatood sa padayon nga komitment sa PNP sa kaayohan sa mga personahe ug kalinaw sa katawhan nga ilang gialagaran.(IKEN B. GULLEM)