Malampuson nga napahigayon ang Feeding Program sa Beaureu of Fire Protection sa Dapitan City Fire Station, nga paghatag og pagkaon ngadto sa mga bata, nga atua sa bahay ampunan, niadtong nakalabay’ng adlaw Agusto 13, 2025.
Nasayran nga ang nasangpit nga programa, gipangunahan gyud mismo ni Acting City Fire Marshal, Fsinsp. Aprilyn B Barbaso, nga matud pa, ang nahisgutang programa, bahin sa ilang padayon nga mga pag-alagad ug pag-atiman sa Publiko, nga sakop sa ilang Area of Resposibility kon (AOR).
Tumong matud pa sa naasoy nga inisyatiba sa mga personahe sa Bfp Dapitan, aron ilang maipakita sa mga katawhan, nga dili lamang ang paghatag og Proteksiyon sa kinabuhi sa tawo, ug sa mga mehoras niini, ang ilang mabuhat, kundili lakip na niini ang ilang gisingkamotan nga mapalapnag, ang buhat nga malasakit ug ang pagpakigtimbayayong sa komunidad.
Dugang pa niini, nga tungod sa maong inisyatiba, padayon nga gipalig-on sa Dapitan City Fire Station, ang ilang Presensiya, isip usa sa nag-unang ahensiya sa Gobyerno ning Probinsiya sa Zamboanga Del Norte.(Julius Esmade)
Source: BFP DAPITAN