Gipasidunggan pag-usab si Alvin Francis Suico isip Event Photo Winner human makuha ang usa ka talagsaong higayon atol sa Kinabayo 2026 Open Sailboat Competition sa Dapitan City.
Nagpakita ang maong litrato sa mga miyembro sa rescue team nga nagtinabangay sa pagtabang sa mga partisipante aron luwas nga madala ang ilang mga layag ngadto sa baybayon bisan pa sa kusog nga mga balod.
Labaw pa sa kompetisyon, ang nakuhang hulagway nagpasundayag sa kaisog, panaghiusa, ug kahandam sa mga partisipante ug rescue responders sa pag-atubang sa hagit sa dagat.
Pinaagi sa maong retrato, gipadayag usab ang diwa sa Kinabayo Festival, mao ang panaghiusa sa mga Dapitanon ug ang ilang andam nga pagtinabangay sa usag usa ilabina sa mga panahon nga nagkinahanglan og kooperasyon.(IKEN B. GULLEM)
Source: Discover Dapitan