Gidali-dali og dala sa ospital ang usa ka estudyanteng babaye human makasinati og hyperventilation samtang naa sa sulod sa Liloy National High School sa Brgy. Fatima, Liloy, Zamboanga del Norte, alas 3:02 sa hapon niadtong Lunes, Hunyo 29, 2026.
Sa report sa Bureau of Fire Protection (BFP), pag-abot sa EMS personnel, ilang nakit-an ang biktima nga naglingkod ug giatiman sa iyang mga kauban. Nakit-an usab nga paspas ang iyang pagginhawa ug adunay muscle spasms sa iyang mga kamot. Matud pa sa iyang mga kaklase, gituohang duha ka bulan na siyang mabdos.
Gikuhaan dayon og vital signs ang pasyente, gipahiluna sa long spine board ug gidala sakay sa BFP ambulance ngadto sa Liloy Integrated Health District Hospital alang sa dugang nga medikal nga pag-atiman. Padayon ang pagmonitor sa iyang kahimtang hangtod nga natugyan siya sa mga medical personnel sa ospital.(JENIFFER JR. DELICA)
Source: BFP R9 Liloy Fire Station