Malampusong napahigayon ang Environmental Tree Planting Activity sa Munisipyo sa Labason nga gipangulohan sa Municipal Disaster Risk Reduction and Management Office (MDRRMO) ug sa Municipal Environment and Natural Resources Office (MENRO) sa Labason niadtong Hulyo 18,2026.
Ang maong makaluhuganong inisiyatibo gihimo pinaagi sa pagpasiugda sa Mayor sa Munisipalidad sa Labason nga si Hon. Jelster Ed. T. Quimbo, uban sa Barangay Captain ug mga opisyal sa Barangay Lapatan nga gisalmotan usab sa hiniusang paningkamot gikan sa mga representante sa Zamboanga Nickel Corporation, Department of Social Welfare and Development (DSWD), PNP ug BFP-Labason, ug ang mga dedikadong empleyado sa Local Government Unit sa Labason.
Usa ka kalihokan nga nagpahinumdom nga ang matag usa kanato adunay mahinungdanong papel sa pagpanalipod ug pagpreserbar sa atong kalikopan.
Nagpasiugda sa yano nga mga buhat sama sa pagpananom og mga kahoy, makatampo kita sa mas lunhaw, mas himsog, ug mas malungtaron nga kaugmaon alang sa sunod nga mga henerasyon sa umaabot.(MEDALYN U. BORJA)
Source: Labason Municipal Tourism