Nakatabang ang EMS team sa Gutalac Municipal Fire Station sa usa ka pasyente nga naglisod og ginhawa human kini midangop sa estasyon aron mangayo og tabang ug transportasyon paingon sa Dr. Jose Rizal Memorial Hospital sa Dapitan.
Dayon nga miresponde ang Shift A EMS team ubos sa pagdumala ni SFO4 Jessie R. Aripal, Acting Municipal Fire Marshal, diin ilang gi-asikaso ang pasyente ug giandam sa stretcher aron masiguro ang kahimtang niini samtang ginadala.
Gikuha ug gitala sa mga responder ang vital signs sa pasyente ug gihatagan dayon kini og oxygen therapy aron matabangan ang iyang pagginhawa samtang padayon ang pag-atiman.
Human niini, luwas nga gidala ang pasyente ngadto sa maong ospital uban sa iyang mga kauban nga paryente, nga nagpakita sa paspas ug epektibong serbisyo sa Gutalac Fire Station sa panahon sa emerhensya.(JENIFFER JR. DELICA)
Source: BFP R9 Gutalac Fire Station