Nagbansay ang Department of Agrarian Reform Zamboanga del Norte sa mga Agrarian Reform Beneficiary Organizations o ARBOs aron mapalig-on ang kahibalo sa mga mag-uuma sa pagpanalipod sa ilang panginabuhian ug kaugmaon.
Gipangunahan kini ni PARPO II Daisy Dell Suan Digamon uban ni PARPO I Alfonso A. Tan pinaagi sa Insurance Underwriter Training nga nagtumong sa paghatag og dugang kahibalo sa mga organisasyon sa mag-uuma, dili lang sa produksyon kundi usab sa paglikay sa risgo.
Apil sa mitambong ang Sto. Niño CARP/Farmers Multipurpose Cooperative sa Katipunan ug New Gem-San Multipurpose Cooperative sa La Libertad, nga aktibong miapil sa maong pagbansay nga gipangunahan ni Willard A. Abao.
Sumala sa DAR, ang maong programa usa ka lakang aron mapalig-on ang kapasidad sa mga ARBOs, masiguro ang proteksyon sa ilang panginabuhian, ug matukod ang mas lig-on ug andam nga sektor sa agrikultura sa probinsya.(JENIFFER JR. DELICA)
Source: DAR Zamboanga del Norte Province