Nitubag ang Shift B EMS personnel sa Liloy Municipal Fire Station sa usa ka emergency medical case sa Liloy National High School, Barangay Fatima, Liloy, Zamboanga del Norte niadtong Agosto 8, 2026, ubos sa pagpanguna ni FINSP Dave C. Dela Cruz, Acting Municipal Fire Marshal.
Pag-abot sa responders, ilang nakaplagan ang duha ka pasyente nga naglingkod sa mga lingkuranan. Pareho silang conscious apan wala motubag sa verbal stimuli. Sumala sa ilang class adviser, kalit silang nangalipong ug nawadan og panimuot human miapil sa parade.
Gihimo dayon ang primary assessment ug gisukod ug girekord ang vital signs sa duha ka pasyente. Gisusi usab ang ilang airway, breathing ug circulation, samtang padayon nga gibantayan ang ilang vital signs ug level of consciousness. Gihatagan sila og angay nga first aid ug supportive care.
Human sa maong mga intervention, nahimutang sa stable nga kahimtang ang duha ka pasyente. Apan, ilang gibalibaran ang pagdala ngadto sa labing duol nga medical facility alang sa dugang nga medical evaluation.(JENIFFER JR. DELICA)
Source: BFP R9 Liloy Fire Station