Nadakpan sa mga kapulisan ang usa ka wanted person nga suspek sa kaso nga murder sa Barangay Kinasang-an, Cebu City niadtong Hulyo 7, 2026.
Ang mga personnel sa City Mobile Force Company (CMFC) ubos sa Cebu City Police Office (CCPO) maoy nanguna sa operasyon. Pinaagi sa surveillance, pag-monitor ug hustong koordinasyon, malampusong napahigayon ang pagdakop gamit ang Warrant of Arrest nga gi-isyu sa Regional Trial Court Branch 16 sa Cebu City, diin walay rekomendasyon alang sa piyansa.
Base sa police verification, ang nadakpan mao ang Top 4 Most Wanted Person sa regional level, tungod sa kaso nga murder.
Gipadayag sa CCPO nga magpadayon sila sa ilang operasyon batok sa mga wanted person aron mapalig-on ang kaluwasan sa publiko ug masiguro ang pagpatuman sa balaod.
📸 CCPO
I via Renante Socia Lada