Friday, June 21, 2024

Dipolog: Duterte Legacy: Barangyanihan Caravan Magpadayon – ZNPPO

- Advertisement -

Gipahigayon didto sa Zamboanga del Norte Police Provincial Office (ZNPPO) ang Inter-Agency Meeting tali sa mga nagkalain-laing ahensiya sa gobyerno aron mapadayon ang programang Duterte Legacy: Barangayanihan Caravan Towards National Recovery, kaganinang buntag, Nobyembre 5 ning tuiga.

Pinangulohan nila ni PLTCOL. Jaime N. Barredo Jr., Deputy Provincial Director for Administration, PMAJ. Robert E. Agda, Chief Clerk sa PCDAU ug PLTCOL. Ibrahim H. Jambiran, Deputy Provincial Director for Operation, ang nasangpit nga tigum nagtuki sa mga mahinungdanong lakang aron mapalapdan pa ang mga serbisyo nga ilugway ngadto sa mga resipiyente sa Barangayanihan Caravan.

Angayang masayran nga kining nahisgutan nga caravan maoy usa ka programa nga gi-implementar pinasikad sa DILG Memorandum Circular No. 2021-112 nga nag-lagda sa “ Suporta sa Paglulunsad ng Duterte Legacy: Barangayanihan Caravan Towards National Recovery” og sa Executive Order No. 70, nga nagmando sa paghiusa sa tibuok nasud dinha sa pagkab-ot sa malahutayon nga kalinaw, pagmugna og National Task Force aron mahunong ang panagbingkil sa lokal nga komunismo ug pagsagop sa National Peace Framework.

Visit RPN DXKD Dipolog

Dinhi sa Zamboanga del Norte, gilusad ang nasangpit nga programa niadtong Septiyembre 30 ning tuiga diin si Mayor Darel Dexter T. Uy mao ang mibukas sa Barangayanihan Caravan didto sa hawanan sa ZNPPO ug dinhi gipakita ang mga “accomplishments” ni Pres. Duterte sumala sa iyang mga gisaad nga kalamboan sa nasud. Nanghatag usab og mga foodpacks, tool kits, puhonan sa negosyo, medical ug hygine kits ug uban pang mga serbisyo.

Nasayran nga kauban sa kaliposan sa implementasyon niini mao ang mga ahensiya sa Philippine Statistics Authority (PSA), TESDA, DOH, SSS, DILG, DSWD, DTI, DOLE, PhilHealth, Office of the Civil Defense (OCD), DPWH, Department of Agrarian Reform (DAR) ug Department of Information and Communications Technology (DICT).

Atol sa tigum, ang mga nahisgutan nga buhatan sa gobyerno ang mipasalig nga mosuporta alang ning nasangpit nga katuyoan.

Gipahibalo usab sa ZNPPO nga ipahigayon ang Barangayanihan Caravan dinhi sa dakbayan ka duha sa usa ka bulan samtang didto sa mga munisipyo, himuon kini ka-usa matag bulan uban sa koordinasyon sa mga LGUs.

Ang Duterte Legacy: Barangayanihan Caravan, sumala pa, magpadayon hangtod mahuman ang termino ni Presidente Rodrigo Roa Duterte.

(Source: City Information Office | Dipolog City Government Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -