Gipasidunggan sa Rehiyonal nga buhatan sa Department of Health (DOH) ang dakbayan sa Dipolog tungod sa “Exemplary Achievement” niini dinha sa pagpatuman sa mga Family Planning ug Breastfeeding Programs.
Nakuha sa Dipolog ang 53.72% modern Contraceptive Prevalence Rate ug nasayrang ang dakbayan naka-angkon sa pinakataas nga rating sa tibuok Zamboanga Peninsula.
Ang nasangpit nga pag-ila nga gihatag sa DOH-R9 ngadto sa dakbayan nagsumikad sa bililhong importansiya nga gihatag sa ulahi dinha sa implementasyon sa Akta Republika No. 10354 o nailang “The Responsible Parenthood and Reproductive Health Act of 2012”.
Ang pasidungog gidawat ni Mrs. Deborrah Pontanar, isip representante sa syudad, didto sa dakbayan sa Zamboanga niadtong Agosto 29 ning tuiga samtang karong adlawa, ang team sa City Health Office (CHO) pinangulohan ni Assistant City Health Officer Dr. Benson D. Panaguiton ang mipresentar sa plake ngadto ni Mayor Darel Dexter T. Uy didto sa iyang buhatan.
(Source: Dipolog City Government Facebook page)