Na andam na kasong Statutory Rape isip kalapasan sa R.A 761O batok sa usa ka amahan nga niunay paglugos sa iyang 9 anyos nga anak nga babaye.
Ang suspetsado nga amahan nagpanuigon og 32 anyos, laborer, residenti sa usa sa mga bukirang barangay sa lungsod sa Argao, probinsya sa Sugbo.
Ang pagsikop pinaagi sa usa ka hot pursuit operation sa kapulisan sa lungsod sa Argao niadtong niaging adlaw.
Mahinumduman nga ni tug-an ang grade 4 nga tinun-an sa iyang inahan niadtong adlaw nga Dominggo nga gilugos na usab siya sa iyang mismong amahan.
Segon pa nga duha na katuig gi segihan sa pag among-among ang anak sa iyang amahan diin bag-o lang kini ni sumbong kay nahadlok sa amahan.
Matag wala ang asawa sa ilang balay aron manglabada o kaha mangahoy luguson ang anak niini.
Hinuon wala nilimod ang way puangod nga amahan sa pagpanglugos nga iyang kanunay nga gibuhat. (Renante Socia Lada)
