Gi-respondihan sa mga personahe sa Bureau of Fire Protection sa dakbayan sa Dapitan, ang nahitabong insidenting pagkatikwang sa usa ka dumptruck nga kolor puti nga puno sa karga nga panambak, didto sa National High-way sa Barangay Oyan sa dakbayan sa Dapitan, ning Probinsiya sa Zamboanga Del Norte, niadtong nakalabay’ng adlaw, Hulyo 21, 2025.
Nasayran nga ang maong Dumptruck naga-byahe gikan sa Barangay Polo ug padulong ang direksiyon niini ngadto sa Barangay Barcelona, ug matud pa nga sa dihang midangat na kini sa Barangay Oyan, aduna kiniy gilikayan nga usa usab ka sakyanan, maong na out balance kini og maayong Pagkatikwang sa nasangpit nga National High-way.
Tungod niini, naabtan sa mga personahe sa Bfp Dapitan ang Driver sa maong Dumptruck, nga usa ka Lalaking anaa na hingkod ang pangidaron, diin dali dayon kining gipahigayonan og First Aid pinaagi sa pagkuha sa iyang Vital Sign, og sa dihang napiho na nila nga anaa na sa luwas nga kahimtang ang Biktima, gidala dayon kini ngadto sa pinaka duol nga Tambalanan, alang na sa iyang Medikal nga panginahanglan.
Sa pagka-karon padayon pang mipahigayon og Imbistigasyon ang sa Traffic Investagator sa Pnp Dapitan, aron masayran ang hinungdan sa maong Vehicular Accident. Pahimangno sa mga Awtoridad, ngadto sa mga Motorista, nga mag-amping sa tanang higayon sa inyong mga pagbyahe, ug likayan nga magpaturagas og padagan sa inyong mga sakyanan, aron malikayan ang susama niini nga Disgrasya.(Julius Esmade)
Photo: BFP Dapitan