28.9 C
Manila
Friday, April 19, 2024

Dipolog: Duha ka tawo gipusil patay sa Siocon ZN

- Advertisement -

Gipusil patay ang mag-ama samtang mingpahulay sa taas nga byahe ug nangatulog lang daplin sa baybayon sa Dulongin Beach, Sitio Dulongin, Barangay Matiag, Siocon, Zamboanga Del Norte sa may alas 2:25 sa kadlawon, Marso,2024.

Ang mga biktima nailhan sila Romel Abenido, 54 anyos diin naigo kini sa iyang dughan ug liog, samtang ang anak nga si Ruben Earl Abenido, 23 anyos ug naigo usab sa parte sa dughan.

Matud pa sa inisyal nga imbestigasyon sa Siocon Municipal Police Station, ang mga biktima mipahulay ug mitagpilaw gumikan sa taas nilang byahe sa ilang gimontar nga duyan diin kalit lamang kining gipamusil sa wala mailhing mamumuno.

Kahibaloan nga kining mga biktima parehong mga byahedor ug isda ug nagpuyo sa Barangay Sta Clara, lungsod sa Naga, Zamboanga Sibugay.

Human sa krimen daling mibiya ang mga suspek, sa crime scene na recover ang upat ka basiyo sa bala sa .45 caliber nga pistola.

Sa pagkakaron padayun pa ang mga kapolisan sa Siocon MPS sa pag imbestiga ug pag-ila sa mga mamumuno,kung unsay gyud ang motibo sa nahitabong krimen.

(Angelica T. Obina)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -