Nasikop sa mga kapulisan ang duha ka suspek nga 55 anyos ug 18 anyos nga mga lalaki, human sa usa ka joint buy-bust operation nga gipahigayon niadtong nilabay nga adlaw sa Barangay Opao, Dakbayan sa Dapitan, tungod sa paglapas sa Republic Act 9165 o Comprehensive Dangerous Drugs Act of 2002.
Gipatuman ang operasyon sa Dapitan City Police Station kauban ang mga operatiba sa Mabuhay Sub-Station Base Camp 5th Special Operations Unit Mobile Group ug 1st Zamboanga del Norte Provincial Mobile Force Company, diin nasamsam ang gibanabana nga 3 gramos sa shabu nga may balor og ₱20,400.
Anaa na karun sa kustodiya sa Dapitan City Police Station ang mga dinakpan samtang ginahikay ang pagpasaka sa kaso, ug ang nasamsam nga iligal nga droga gidala na sa Zamboanga del Norte Provincial Forensic Unit 9 alang sa chemical examination, samtang gi-awhag sa kapulisan ang katawhan nga dayong ireport ang tanang kahina-hinalang kalihokang may kalabutan sa iligal nga droga.(JENIFFER JR. DELICA)
Source: Dapitan City Police Station ZNPPO