LABASON, ZAMBOANGA DEL NORTE — Dali nga girespondehan sa Emergency Medical Service personnel sa Labason Municipal Fire Station ang usa ka aksidente sa kadalanan tali sa motorsiklo didto sa Barangay Osukan, Labason, ZDN, niadtong Marso 28.
Sa ilang pag-abot, ilang gi-assess ang duha ka pasyente nga nakasinati og gagmay’ng samad. Gitagaan dayon sila og first aid, lakip ang paglimpyo sa samad ug pagbutang og sterile dressing aron malikayan ang impeksyon.
Human sa paunang pag-atiman, gidala ang mga pasyente sa Labason District Hospital alang sa dugang nga eksaminasyon ug hustong tambal.
Sumala sa Bureau of Fire Protection, ang dali nga responde sa ilang EMS team maoy nakatabang aron masiguro ang kaluwasan ug hustong pag-atiman sa mga naapektuhan sa aksidente.(JENIFFER JR. DELICA)
Source: BFP R9 Labason Fire Station