Naghiusa ang Department of Agrarian Reform (DAR) Zamboanga del Norte Provincial Office ug ang tanang Municipal Agrarian Reform Program Officers (MARPOs) sa lalawigan atol sa duha ka adlaw nga IT-Easy Planning Workshop aron repasohon ang nahimo sa unang semestre ug andamon ang mga plano alang sa mas epektibong pagpatuman sa mga programa sa tuig 2026.
Atol sa workshop, gisusi sa mga opisyal ug focal persons ang pinansyal ug pisikal nga kahimtang sa Agrarian Reform Beneficiaries Development Support Program (ARBDSP), samtang gihatag usab ang mga updates sa nagkalain-laing proyeko ug inisyatiba nga gipatuman sa probinsya.
Aktibong nakigbahin ang mga MARPOs sa pagbinayloay og mga best practices, paghisgot sa mga hagit nga ilang nasinatian sa field, ug pagpangitag mga epektibong solusyon aron mapalambo ang paghatag og serbisyo ngadto sa mga agrarian reform beneficiaries.
Gitubag usab sa workshop ang mga operational concerns nga gipasaka sa mga field implementers aron mapalig-on ang koordinasyon ug masiguro ang hapsay nga implementasyon sa mga programa sa tanang lungsod sa Zamboanga del Norte.(IKEN B. GULLEM)
Source: DAR Zamboanga del Norte Province