Gisugdan sa Department of Social Welfare and Development (DSWD) ang serye sa field visits sa 12 ka eskwelahan ilawom sa Schools Division of Dapitan City aron andamon ang implementasyon sa Tara, Basa! Tutoring Program sa Dapitan City.
Gipangunahan ni Angelie Aisle A. Saavedra, regional focal person sa programa, ang duha ka adlaw nga pagbisita gikan Marso 11 hangtod 12, 2026, kauban ang community coordinators nga sila Eyranika D. Evangelista ug Fatima-Rayhan A. Sangka.
Sa maong pagbisita, direktang nakigpulong ang team sa mga school heads ug program coordinators aron hatagan sila og teknikal nga giya sa pagpatuman sa literacy program.
Girepaso usab sa DSWD ang kahimtang sa matag eskwelahan, lakip ang kahanduman sa mga pasilidad, mekanismo sa koordinasyon, ug pag-finalize sa listahan sa mga learner-beneficiaries nga moapil sa tutoring sessions.
Sumala sa ahensya, tumong sa maong lakang ang pagseguro nga ang tanang preparasyon sa mga eskwelahan mosunod sa national standards ug guidelines sa programa aron masiguro ang hapsay nga pagsugod sa mga tutoring activities sa komunidad.(IKEN B. GULLEM)
Source: DepEd Tayo-Division of Dapitan City