Wala na maka ikyas sa kamot sa mga tinugyanan sa balaod ang usa ka drug suspek sa gikasa nga buy-bust operation ug nasakmit ang mobalor sa P68,000 ka pesos sa gituohang shabu, mga alas 8:41 ang takna sa kagabhion, Mayo 3,2025, didto sa Purok Green Valley, Barangay Turno,ning dakbayan sa Dipolog.
Ang suspek naila nga usa ka 31 anyos nga lalaki, minyo, walay trabaho, ug residente sa Purok Rosal, Barangay Sta. Filomena, Dipolog City, Zamboanga del Norte kinsa nasakmitan sa gituhoang shabu nga adunay gibanabanang gibug-aton nga kapin o kulang 10 gramos nga adunay street value nga PHP 68,000.00.
Gipangunahan ang maong operasyon sa Special Drug Enforcement Team (SDET) sa Dipolog City Police Station sa pakigtambayayong sa RDEU 9 ug sa koordinasyon sa PDEA Region 9.
Nakumpiska atol sa operasyon mao ang Usa ka gamay nga heat-sealed plastic sachet sa gituhoang shabu nga gigamit isip buy-bust evidence, Usa ka gamay nga heat-sealed sachet sa gituhoang shabu ang nakuha gikan sa suspek, Duha ka dagkong heat-sealed sachet sa gituhoang shabu nga giputos sa orange tape, Usa P1,000 bill nga gigamit isip marked buy-bust money, Usa ka RealMe nga cellphone nga adunay rubber case,ug Usa ka coin purse nga adunay lain-laing identification card.
Ang mga nasakmit nga drug items ang gidala na sa Zamboanga del Norte Provincial Forensic Unit alang sa eksaminasyon, samtang ang dinakpan anaa na sa kustodiya sa Dipolog CPS alang sa tukmang disposasyon.(Medalyn U. Borja)
Source: ZNPPO