Sa nagpadayon nga kampanya batok sa ilegal nga drugas nasikop sa mga personahe sa kapulisan ang usa ka drug suspek atol sa gihimo nga drug buy-bust operation didto sa Liloy, Zambonga del Norte,Oktubre 14,2025.
Ang maong drug suspek nakuhaan sa mga operatiba ug gibana-bana nga 50 ka gramos sa ilegal na drugas nga mobalor sa P340,000.00.
Ang pagkasikop sa suspek ug pagkakumpiska sa ilegal nga druga gihimo pinaagi sa pagpatuman sa hiniusang drug buy-bust operation sa mga personahe sa RDEU9 ug Liloy Municipal Police Station (MPS).
Kining malampuson nga operasyon nagpasiugda sa walay puas nga dedikasyon sa atong mga personahe sa pagwagtang sa ilegal nga drugas ug pagpanalipod sa atong komunidad.(Medalyn U. Borja)
Source: Liloy MPS ZNPPO