DIPOLOG CITY (Marso 24, 2026) – Nagpahigayon ang Department of Tourism IX uban sa City Government of Dipolog og Filipino Brand of Service Excellence (FBSE) training alang sa mga empleyado sa gobyerno, livelihood associations, ug tourism students sa Social Hall sa City Hall.
Gipangunahan sa FBSE Trainer nga si Danceldale P. Calago ang maong kalihokan nga nagtumong sa pagpalig-on sa kalidad sa serbisyo sa mga tourism frontliners sa lungsod.
Sa maong training, gihatagan og kahibalo ang mga partisipante sa saktong pamaagi sa pagserbisyo ug pagpakita sa maayong Filipino hospitality aron mas mapauswag ang kasinatian sa mga turista, lokal man o internasyonal.
Gilauman nga pinaagi sa service excellence, mas mapalig-on ang tourism sector sa Dipolog ug mas mapadani ang daghang bisita sa siyudad.(JENIFFER JR. DELICA)
Source: Dipolog Tourism