Gipasidunggan sa Department of Science and Technology o DOST si Zamboanga del Norte Governor Darel Dexter T. Uy pinaagi sa Science Ambassador Award atol sa Partnership Night sa Zamboanga Peninsula Regional Science, Technology and Innovation Week 2026 niadtong Agosto 12 sa Zamboanga del Norte Convention and Exhibition Plenary Hall.
Gihatag ang award isip pag-ila sa pagpangulo ni Governor Uy sa pagpalambo sa science, technology ug innovation sa probinsya, lakip ang pagpatuman sa Smart and Sustainable Communities Program ug uban pang mga inisyatibo nga nag-integrate sa science ug technology sa lokal nga kalamboan.
Sumala sa DOST, giila ang “exemplary leadership and visionary pursuit of transformative action” ni Governor Uy sa pagpalambo sa science ug technology alang sa inclusive growth ug sustainable development sa probinsya. Dawaton niya ang award dili isip personal nga kalampusan, kondili isip responsibilidad nga mas mapaduol pa ang science, technology ug innovation sa mga Zanortehanon.
Gipasalig usab ni Governor Uy ang pagpalig-on sa pakigtambayayong sa DOST, mga local government unit, academic institutions, private sector ug mga komunidad aron magamit ang science ug technology sa pagsulbad sa kakabos ug pagpauswag sa kinabuhi sa mga katawhan sa Zamboanga del Norte.(JENIFFER JR. DELICA)
Source: Zamboanga del Norte Provincial News Network