Wala na maka iskapo sa kamot sa mga tinugyanan sa balaod ang usa ka dorugista sa pagpayuhot sa ilegal na drugas homan kini masikop atol sa gikasa nga buy-bust operation mga alas 12:51 ang takna sa udto niadtong Hulyo 12, 2026, didto sa Tubod, Galas, ning dakbayan sa Dipolog.
Ang maong dinakpan naila nga si alyas “Dodong” lalaki, 23 anyos ulitawo, mag-uuma, bag-ong nailhan nga Street Level Individual (SLI) ug nagpuyo sa Banicapt, Galas, Dipolog,kinsa gidakop pinaagi sa mga personahe sa ZNPDEU isip (Lead Unit), uban sa Dipolog CPS, ZN 1ST PMFC, 901ST MC, RMFB9, ug RID9, ug sa koordinasyon sa PDEA9.
Atol sa operasyon nakumpiska gikan sa dinakpan ang nagkadaiyang pakete sa gituohang shabu nga mutimbang sa 2 ka gramo nga adunay kantidad nga P13,600.
Ang nakumpiskar nga mga droga itugyan ngadto sa ZDN Provincial Forensic Unit alang sa eksaminasyon, samtang ang nasikop nga suspek anaa karon sa protective custody sa DIPOLOG CPS alang sa tukmang disposisyon.(MEDALYN U. BORJA)
Source: COP, Dipolog CPS