Mopahigayon ang Department of Labor and Employment o DOLE-Zamboanga del Norte Field Office og Basic Occupational Safety and Health Training ug Basic First Aid Orientation alang sa mga micro-establishments sa Dakbayan sa Dipolog karong Hunyo 9 sa Museo Dipolog.
Gitumong sa maong pagbansay nga mapalig-on ang kahibalo sa mga tag-iya ug operator sa gagmayng establisemento bahin sa labor standards, occupational safety ug mga kinahanglanong reportorial requirements sa gobyerno.
Lakip usab sa programa ang Technical Advisory Visit diin hatagan og teknikal nga giya ang mga partisipante aron maila ug matul-id ang posibleng kakulangan sa ilang pagsunod sa mga balaod sa pagpanarbaho ug kaluwasan sa trabahoan.
Giawhag sa DOLE ang tanang micro-establishments sa siyudad nga motambong sa maong kalihokan aron masiguro ang luwas, himsog ug produktibong palibot sa trabaho ug malikayan ang mga paglapas nga mahimong masayran panahon sa labor inspection.(JENIFFER JR. DELICA)
Source: Dipolog City Government