Nakigkita kang Sindangan Mayor Glona Labadlabad si Dr. Augusto Manolo G. Alpichi, Public Health Official ug Officer-in-Charge Assistant Regional Director sa Department of Health o DOH Zamboanga Peninsula Region IX atol sa iyang courtesy visit sa opisina sa alkalde.
Gihimong higayon ang maong pagbisita aron mapalig-on pa ang panagtinabangay tali sa Local Government Unit sa Sindangan ug DOH sa pagpatuman sa mga programa ug inisyatiba alang sa panglawas sa katawhan.
Gihisgutan usab sa duha ka panig ang mga lakang aron mas mapalapad ang paghatag og serbisyo panglawas ug mas mapalambo ang kaayohan sa mga residente sa lungsod.
Gipasalamatan ni Mayor Labadlabad ang padayon nga suporta sa DOH sa paghatag og dali maabot ug dekalidad nga serbisyo medikal alang sa mga Sindanganon.(JENIFFER JR. DELICA)
Source: Municipality of Sindangan