Gidawat ni Municipal Mayor Dr. Ruth M. Brillantes ang mga opisyal sa Department of Health (DOH) Regional Blood Program atol sa ilang courtesy visit sa Local Government Unit (LGU) sa Salug aron mapalig-on ang panag-uban sa pagpatuman sa mga programa sa panglawas.
Gipangulohan ni Kathryn Brooke D. Amper-Halasan, RMT, Regional Blood Program Coordinator, ang delegasyon uban nila Jether Ryan O. Teves, RMT, Meryam G. Hadjinul, RMT, ug Mary Joy A. Francisco, RND.
Atol sa panagtagbo, gihisgutan sa duha ka panig ang pagpalig-on sa kooperasyon sa pagpasiugda sa boluntaryong pagdonar og dugo ug pagsiguro sa luwas ug igo nga suplay sa dugo alang sa mga nanginahanglan, lakip na ang ubang mga programa sa pampublikong panglawas.
Sumala sa LGU Salug, ang maong courtesy visit nagpakita sa hiniusang paningkamot sa DOH ug sa lokal nga kagamhanan sa paghatag og dekalidad nga serbisyo sa panglawas ug pagpalambo sa kaayohan sa mga residente sa lungsod.(IKEN B. GULLEM)
Source: Municipality of Salug