Gipirmahan sa DMC College Foundation, Inc. ug Barangay Sta. Filomena niadtong Agosto 25, 2026 ang Memorandum of Agreement o MOA isip pagpalig-on sa ilang panag-uban sa community engagement, serbisyo, ug sustainable community development.
Girepresentar sa DMC College Foundation ang ilang Vice President for Student External Affairs, Linkages and Development o SEALD nga si Dr. Gerald T. Concha, uban sa mga opisyal ug personnel sa nagkalain-laing departamento sa institusyon. Sa Barangay Sta. Filomena, mitambong si Barangay Captain Hon. Marlon Mejares, kauban si Sangguniang Barangay Councilor Guillermo Dequito Jr. ug Sangguniang Kabataan Chairperson Reignheart Hongoy.
Pinaagi sa maong kasabutan, gipalig-on sa duha ka panig ang ilang kooperasyon sa pagdala sa edukasyon, serbisyo, ug community empowerment nga mas duol sa mga residente. Tumong usab sa partnership ang pagpalambo sa mga programa nga makatampo og makahuluganon ug malungtarong kausaban sa komunidad.
Gilauman nga ang pagtinabangay sa DMC College Foundation ug Barangay Sta. Filomena magpadayon sa paghatag og mga programa ug serbisyo nga makatubag sa panginahanglan sa komunidad ug makapalig-on sa ilang hiniusang paningkamot alang sa community development.(JENIFFER JR. DELICA)
Source: DMC College Foundation, Inc