Nagapadayon gihapon sa pagpang-apod sa mga food packs ang kagamhanang lokal sa Dipolog ngadto sa mga katawhan kinsa na-apektuhan sa nakalabay nga pagbaha dinhi sa dakbayan niadtong nakalabay nga Enero 11, 12 ug 13, tanan ning tuiga.
Ang maong kalihokan ang gihimo isip tipik sa “Disaster Relief Operation” nga gihimo sa atong dakbayan ilawom sa liderato ni City Mayor Darel Dexter T. Uy, pinaagi sa lokal nga buhatan sa City Social Welfare and Development sa pagpanguna ni City Social Welfare and Development Officer, Arlene O. Jatico.
Kining maong kalihokan ang giduyogan usab sa Department of Social Welfare and Development – Social Welfare and Development Team (SWADT) – Dipolog kinsa mi-apod-apod usab og hinabang ngadto sa mga nabiktima sa pagbaha.
Matud pa nga isip pagpadayon, gihimo kining pagpanghatag og mga food packs ngadto sa mga apektado, ug kadtong wala na mahatagi o ma-abti sa mga food packs gikan sa DSWD atol sa distribution, ang gihatagan usab sa City Social Welfare and Development Office, sanglit nga tuyo man nga kahatagan ang matag pamilya nga apektado sa pagbaha.
Sumala pa ni Mayor Uy, nga kining maong pagpanghatag og mga food packs ilawom sa Disaster Relief Operation ning siyudad ang magpadayon aron sa pagseguro nga kahatagan gayud sa tabang ang tanang mga apektado sa nahisgotang katalagman.
(Source: Dipolog City Government Facebook page)