Usa ka pasidungog ang gihatag sa kagamhanang lokal ning dakbayan sa Dipolog alang sa Direktor,film crew ug mga aktor sa usa ka pelikula nga “Rumbles of the Earth” diin nadawat niini ang “Mayor’s Special Recognition” niadtong Disyembre 3,2024.
Ang maong pasidungog gitunol sa Mayor ning dakbayan sa Dipolog nga si City Mayor Darel Dexter T. Uy ngadto ni Direk Carl Joseph C. Lara ug sa mga kaubanan niini.
Nasayran nga ang “Rumbles of the Earth” usa ka mubo nga pelikula nga napili nga “Best Short Film” didto sa nasod sa Germany atol sa Berlin NewGen Film Festival, ug nakadawat usab ug “Special Mention” sa Sparks Section nga naghatag ug dungog sa mga katawhan dinhi ning dakbayan sa Dipolog ngadto sa Internationale Kurtzfilmtage Winterthur sa nasod sa Switzerland.(Medalyn U. Borja)
Source: Dipolog City Government