Usa ka malampusong operasyon sa kapulisan nisangpot sa pagkasikop sa, usa ka 35-anyos nga babaye, tungod sa pag-apil-apil sa mga illegal number games, nga supak sa Republic Act No. 9287, usab nailhan nga Anti-Illegal Gambling Act, didto sa Barangay Datagan, Siayan, Zamboanga del Norte, niadtong Disyembre 2,2024 sa may alas alas 8:50 ang takna sa kagabhion.
Kini nga dinakpan naila nga si Ansolao ,minyo, ug residente sa Barangay Balunukan, Siayan, Zamboanga del Norte, kinsa nasakpan sa akto nga niapil sa usa ka local illegal numbers game, nga gitawag og “Wirik-wirik,” nga walay tukmang pagtugot gikan sa PCSO.
Atol sa operasyon nasakmit ang 1 ka peke nga resibo, 1 ka imprinta sa resibo,Php 95.00Â nga nagsilbi isip bet money , ug 2 ka ballpen nga color Blue ug itom.
Ang dinakpan nga suspek uban sa mga butang nga nakumpiska, gidala sa Siayan Municipal Police Station alang sa dokumentasyon ug saktong disposisyon.(Medalyn U. Borja)
Source: ZNPPO