Gibisita sa bag-ong gitudlo nga Commanding Officer sa 1st Field Artillery (BEAT’EM) Battalion, Army Artillery Regiment, Philippine Army, nga si LTC SAMUEL E MADAGING ART (GSC) PA, mibisita kang COL MANDY T LIBERTINO ART (GSC) PA, ang Direktor sa 902nd Community Defense Center (902CDC), niadtong Agosto 2,2026 didto sa Manukan, Zamboanga del Norte.
Ang maong pagbisita gihimo aron palig-onon ang kolaborasyon ug mapauswag ang operational readiness sa Reserve Force ug magkauyon ang duha ka mga kumander nga mag-organisa og Ready Reserve Artillery Battery gikan sa 902nd Ready Reserve Infantry Battalion (902RRIBn) sa Zamboanga del Norte.
Si LTC MADAGING mihatag og donasyon nga usa (1) ka podium ngadto sa 902nd Community Defense Center. Ang maong donasyon nagpakita sa malungtarong panag-uban ug dedikasyon sa 1st Field Artillery Battalion sa pagpalig-on sa kapasidad ug propesyonalismo ug timaan sa lig-ong suporta sa Army Reserve Force.
Nasayran nga mupailalom ug pagbansay-bansay uban sa mga personahe sa 1st Field Artillery Battalion aron mapalambo ang kahanas sa artillery, mapauswag ang interoperability.
Ang 902nd Community Defense Center nagpadayag sa ilang kinasingkasing nga pasalamat ngadto sa 1st Field Artillery (BEAT’EM) Battalion tungod sa ilang kamanggihatagon ug walay paglubad nga suporta nga magsilbi nga epektibong force multiplier sa pagsuporta sa mga misyon sa Philippine Army kalabot sa territorial defense ug pagtubag sa mga kalamidad.(MEDALYN U. BORJA)
Source: 902nd Community Defense Center