Naghiusa ang Cebu City Government ug PhilHealth sa pagpahigayon sa PhilHealth YAKAP Caravan niadtong Hulyo 31 sa Cebu City Sports Institute sa Barangay Sawang Calero aron mapaduol ang serbisyo sa panglawas ug health insurance alang sa mga Persons with Disabilities (PWDs).
Gitambongan kini nila City Councilors Francis Esparis ug Michelle Cellona, City Health Officer Dr. Daisy Sariego-Villa, DSWS Officer-in-Charge Portia Basmayor, mga opisyal sa PhilHealth, ug daghang PWD beneficiaries.
Gipasiugda ni Dr. Sariego-Villa ang kahinungdanon sa paghatag og dekalidad nga serbisyo sa panglawas alang sa tanang Sugboanon, ilabina sa mga kabus ug bulnerableng sektor.
Gihatagan usab og orientation ang mga PWD bahin sa programa sa PhilHealth YAKAP ug nakabenepisyo sila sa libre nga serbisyo sama sa pagparehistro sa PhilHealth, pag-update sa membership records, pag-imprenta sa PhilHealth ID, YAKAP registration, ug unang konsultasyon sa doktor pinaagi sa YAKAP Clinic sa Cebu City Health Department.
Matud sa Cebu City Government ug PhilHealth, ang maong caravan kabahin sa ilang paningkamot aron mas mapadali ug mapalapdan ang pag-access sa serbisyo sa panglawas alang sa mga PWD ug uban pang nanginahanglan sa komunidad.
I via Renante Socia Lada