Gihiusa sa City Government of Dipolog, pinaagi sa City Cooperative and Development Office (CCDO), ang mga lider sa kooperatiba ug stakeholders alang sa Hand-Holding Caravan ug Dipolog City Cooperative Development Council Meeting niadtong Agosto 13, 2026, sa Top Plaza Hotel, ning syudad.
Tumong sa kalihokan ang pagpalig-on sa koordinasyon, panaghiusa, ug suporta alang sa padayong paglambo sa lokal nga cooperative sector.
Mitambong isip representante ni City Mayor Roberto Y. Uy si SP Councilor ug Chairperson sa Committee on Cooperatives Dr. Ryan Niel A. Asprer, kauban si City Cooperative and Development Officer Ms. Elena Doris R. Sarande ug ang mga miyembro sa Dipolog City Cooperative Development Council.
Kabahin sa programa ang Cooperative Pledge, nga gipangulohan ni DCCD Auditor ug Tagum Cooperative Dipolog Branch Manager Ms. Charmaine N. Alberca. Gipasiugda niini ang hiniusang paningkamot sa mga lokal nga kooperatiba alang sa panaghiusa, responsableng serbisyo, ug malungtarong pagpalambo sa sektor.
Gipalig-on usab ng panag-uban tali sa lokal nga pangagamhanan, mga kooperatiba, ug stakeholders aron mas mapalambo ang mga programa ug inisyatibo nga makatabang sa mga miyembro ug sa komunidad.(IKEN B. GULLEM)
Source: Dipolog City Government